Бір дана кісі сөзшең, өмірді көп көріп одан сабақ алып жүрген жанның бірі болса керек. Үнемі қасында кім болса да өсиет айтпай жүрмейді екен. Оны тыңдап жүрген адамдар да бір рухани ем алмай қайтпайтын көрінеді. Күндердің күнінде әлгі дана кісі қасындағыларға өмірден түйгенін былай баяндап: "Өмірімде табысқа жеткен адамды көрмеппін. Егер де көрген болсам ата анасына жақсылық қылуға нәсіп еткен жанның қатарынан болар. Уайым қайғысыз адам жоқ. Десе де «бұл жәй ғана өмір ғой» деп жүзінен күлкі үйіретін адам табылар. Ауыртпашылық түскенде жылама, мүмкіндігінше сәждеге жығыл" деп артынан маржаннан қымбат сөз қалдырыпты.